د کونړ ولایت له پېښو سره د مبارزې آمادګۍ ریاست ۱,۵۱۹ زلزله ځپلو او بېځایه شویو کورنیو ته نغدې او غیرخوراکي مرستې ووېشلې
د کونړ ولایت له پېښو سره د مبارزې آمادګۍ ریاست د IRW او د DACAAR موسسو په مالي همکارۍ، د دې ولایت اړوند ۱,۵۱۹ زلزله ځپلو او د وروستیو جګړو له امله بېځایه شویو کورنیو ته له سروې وروسته نغدې او غیرخوراکي مرستې ووېشلې.
په دې بهیر کې د مسؤلینو په شتون کې د IRW موسسې له لوري ۲۵۷ زلزله ځپلو کورنیو هرې یوې ته ۵,۲۰۰ افغانۍ ووېشل شوې، چې د نغدو مرستو ټولیزه اندازه یو میلیون او درې سوه او شپږ دېرش زره او څلور سوه (۱,۳۳۶,۴۰۰) افغانۍ کېږي. همدارنګه، د DACAAR موسسې له لوري د وروستیو جګړو له امله ۱,۲۶۲ بېځایه شویو کورنیو هرې یوې ته یو عدد د حفظ الصحې کېټ ووېشل شو.
نېټه:۱۴۴۷/۱۰/۲۸ هـ ق
له پېښو سره د مبارزې آمادګۍ ملي اداره
