د کونړ ولایت له پېښو سره د مبارزې آمادګۍ ریاست د زلزلې ځپلو کورنیو لپاره ۱۶ استوګنیز کورونه جوړ او ګټې اخیستنې ته وسپارل
له پېښو سره د مبارزې آمادګۍ ادارې او د CWSA مؤسسې ترمنځ د همکارۍ د هوکړهلیک پر بنسټ، د کونړ ولایت له پېښو سره د مبارزې آمادګۍ ریاست د یادې مؤسسې په مالي همکارۍ، د یاد ولایت د څوکۍ ولسوالۍ د دیوهګل درې په سیمه کې د زلزلې ځپلو کورنیو لپاره د ۳۳۰,۰۰۰ امریکايي ډالرو په ټولیز ارزښت ۱۶ استوګنیز کورونه جوړ او ګټې اخیستنې ته وسپارل.
د دغو کورونو د جوړولو چارې د شپږو میاشتو په موده کې د کونړ ولایت له پېښو سره د مبارزې آمادګۍ ریاست تر دوامدارې څارنې لاندې بشپړې شوې دي.
له کورونو څخه ګټهاخیستونکو کورنیو د نویو کورونو له ترلاسه کولو خوښي څرګنده کړه او له پېښو سره د مبارزې آمادګۍ ادارې او CWSA مؤسسې څخه یې د هغوی لپاره د مناسبو سرپناهوو د جوړولو له امله مننه وکړه.
د یادونې وړ ده چې شاوخوا یو کال وړاندې په دې سیمه کې مرګونو زلزلو پراخ ځاني او مالي زیانونه واړول او ګڼ شمېر استوګنیز کورونه یې ویجاړ کړل. د دغې پېښې په پایله کې، تر اوسه شاوخوا ۳۰۰ استوګنیز کورونه جوړ شوي او د پاتې کورونو د جوړولو چارې هم روانې دي.
