د کندهار ولایت په ارغستان ولسوالۍ کې څو کړۍ ماینونه خنثی کړل شول
د کندهار ولایت له پېښو سره د مبارزې آمادګۍ ریاست په همغږۍ، د AREA ماین پاکۍ موسسې د بېړنۍ ځواب وینې تخنیکي ټیم QRT-10، د یاد ولایت د ارغستان ولسوالۍ د نرغل او سلګري کلیو ترمنځ له تېرو جګړو څخه پاتې د سړک پر غاړه ځای پر ځای شوي څو کړۍ AIM بوشکهیي ماینونه کشف او په خوندي توګه له منځه یووړل.
دا عملیات د سیمې د اوسېدونکو د غوښتنې پر بنسټ ترسره شول، چې موخه یې د ماینونو او ناچاوده توکو له خطرونو څخه د خلکو د ځان، مال او د تګ راتګ لارو ساتنه ده. د ماینونو پاکولو وروسته، سړک د تګ راتګ لپاره خلاص شوی او خلک کولای شي په ډاډه سره له دې لارې څخه ګټه واخلي.
نېټه:۱۴۴۷/۲/۱۲ هـ ق
له پېښو سره د مبارزې آمادګۍ ملي اداره
