د کندز ولایت له پېښو سره د مبارزې آمادګۍ ریاست ٥٣ زیانمنو کورنیو ته غیر خوراکي مرستې ووېشلې
د کندز ولایت له پېښو سره د مبارزې آمادګۍ ریاست د بشري مرستو ټولنې مؤسسې په مالي ملاتړ، ٥٣ سېلاب ځپلو کورنیو ته د یاد ولایت په دشت ارچي ولسوالۍ کې، غیر خوراکي مرستې ووېشلې.
د مرستو په دې لړۍ کې، هرې کورنۍ ته د یاد ریاست د مسؤلینو په شتون کې، ٢ تختې کمپلې، ١ بخارۍ سره له ټولو وسایلو او ٣٠ کیلوګرامه د ډبرو سکاره ووېشل شول.
د یادونې ده، چې یاد شمېر کورنیو ته دا مرستې له دقيقې سروې وروسته ورکړل شوې.
نېټه: ١٤٤٦/٧/١٠
له پېښو سره د مبارزې آمادګۍ ملي اداره
