د کابل ولایت په موسهي ولسوالۍ کې چاودېدونکي توکي کشف او خنثی کړل شول
له پېښو سره د مبارزې آمادګۍ ملي ادارې د لوی رئیس؛ محترم الحاج ملانورالدین ترابي د لارښوونې له مخې، د کابل ولایت له پېښو سره د مبارزې آمادګۍ ریاست د DRC او DAFA ماین پاکۍ مؤسسو د بیړني ځواب وېینو ټیمونو د همغږۍ له مخې، د دې ولایت د موسهي ولسوالۍ اړوند د اوبو د یو کانال د مسیر په اوږدو کې بېلابېل چاودېدونکي توکي کشف او په خوندي توګه له منځه یوړل.
د یادو عملیاتو په پایله کې، یو عدد فیوز او یو فیر د راکټ RPG مرمۍ، چې له تېرو جګړو څخه پاتې شوې وه او د خلکو ژوند یې له ګواښ سره مخ کړی وو له منځه یوړل شول.
د یادونې وړ ده، چې لږ وړاندې په دې سیمه کې چاودېدونکو توکو د دوو ځوانانو ژوند اخیستی وو، چې په یاده سیمه کې به له دې عملیاتو وروسته دا احتمالي مرګونې پېښې له منځه لاړې شي.
نېټه: ۱۴۴۷/۴/۲۵ هـ ق
له پېښو سره د مبارزې آمادګۍ ملي اداره
