د کابل ولایت له پېښو سره مبارزې آمادګۍ ریاست ۳۳۸ کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د ژغورنې نړیوالې کمېټې (IRC) ترمنځ د لاسلیک شوي هوکړه لیک له مخې, دکابل ولایت له پېښو سره مبارزې آمادګۍ ریاست د یادې کمېټې په مالي ملاتړ, د کابل ښار اوولسمې او څلورمې ناحیو اړوند ۳۳۸ زیانمنونکو او اړمنو کورنیو ته له سروې او تثبیت وروسته ژمنۍ نغدي مرستې ووېشلې.
په دې لړۍ کې, د مسؤلینو په شتون کې هرې کورنۍ ته د پنځم او شپږم پړاو ۶,۰۰۰ افغانۍ ووېشل شوې, چې ټولټال ۲,۰۲۸,۰۰۰ (۲ میلیونه او ۲۸ زره) افغانۍنغدي پیسې د یاد شمېر کورنیو لپاره ځانګړې شوي وې.
نیټه: ۱۴۴۶/۰۹/۲۳
له پېښو سره د مبارزې آمادګۍ ملي اداره
