د کابل ولایت له پېښو سره د مبارزې آمادګۍ ریاست په خاکجبار ولسوالۍ کې د کاریزونو د پاکولو پروژه بشپړه او ګټې اخیستنې ته وسپارله
د کابل ولایت له پېښو سره د مبارزې آمادګۍ ریاست د خاکجبار ولسوالۍ په چکري، ناروه، عبداللهخېل او وليکلا کلیو کې د کاریزونو د پاکولو او بیارغونې د پروژې کار بشپړ او ګټې اخیستنې ته وسپارل.
د کاریزونو پاکولو پروژه د «کار په بدل کې خوراکي توکي» پروګرام له مخې بشپړه شوه، چې هر کاریګر ته د هرې کاري ورځې په بدل کې ۱۰ کیلوغنم ووېشل شول، چې په ټولیز ډول ۱۸۶ بورۍ غنم ۵۶ کاریګرو ته ووېشل شول.
د کابل ولایت له پېښو سره د مبارزې آمادګۍ ریاست مسؤلینو وویل، چې د دغو کاریزونو د پاکولو او بیارغونې چارې د ریاست تر دوامداره تخنیکي څارنې لاندې بشپړې شوې، چې په پایله کې یې سلګونه کورنیو ته د څښاک اوبه برابرې شوې، زرګونه جریبه کرنیزې ځمکې د خړوبولو تر پوښښ لاندې راغلې او د یادو سیمو د اوبو د کمښت ستونزه تر ډېره بریده هواره شوه.
نېټه:۱۴۴۸/۲/۱۱ هـ ق
له پېښو سره د مبارزې آمادګۍ اداره
