د پېښو پر وړاندې چمتووالي ملي ادارې سرپرست د کندهار ولایت پېښو سره د مبارزې ریاست د کارکونکو سره په جلا جلا ډول وکتل او د هغوۍ د کاري چارو ارزونه یې وکړه
کندهار- د محرم الحرام 17-1446/ د زمري 2-1403
محترم الحاج ملا نورالدین ترابي د پېښو پر وړاندې د چمتووالي ملي ادارې سرپرست, کندهار ولایت ته د سفر په ترڅ کې د یاد ولایت پېښو سره د مبارزې له ریاست څخه په لیدنې سره د یاد ریاست کاري چارو هر اړخېزه څېړنه او ارزونه وکړه او ترڅنګ یې له بشپړ پرسونل سره په جلا جلا ډول وکتل او د هغوۍ ستونزې او وړاندیزونه یې واورېدل.
همدارنګه محترم قاري عبدالسلام غازي د کندهار ولایت پېښو سره د مبارزې رییس, د یاد ریاست په ګدامونو کې د شته خوراکي او غیرخوراکي توکو او د خپلو کړنو او پلانونو په اړه معلومات وړاندې کړل او خپلې ستونزې یې هم شریکې کړې.
ورته مهال محترم ښاغلي ترابي صاحب, د یاد ریاست پرسونل ته د هغوۍ د ستونزو د حل لپاره ژمنه ورکړه او د چارو په ښه توګه ترسره کولو لپاره یې هغوۍ ته اړینې لارښوونې وکړې.
