د پکتیا ولایت له پېښو سره د مبارزې آمادګۍ ریاست ۱۳۰ زیانمنو کورنیو ته خوراکي او غیرخوراکي مرستې ووېشلې
د پکتیا ولایت له پېښو سره د مبارزې آمادګۍ ریاست، د یاد ولایت اړوند ۱۳۰ کورنیو ته چې د وروستیو بارانونو او سېلابونو له امله زیانمنې شوې وې، تر سروې وروسته خوراکي او غیرخوراکي مرستې ووېشلې.
په دې بهیر کې هرې کورنۍ ته د مسؤلینو په شتون کې، ۱۰۰ کیلو اوړه، ۳ تختې کمپلې، یو عدد سطل او یو فامیلي هایجن کېټ ووېشل شول.
د پکتیا ولایت له پېښو سره د مبارزې آمادګۍ رئیس، مولوي نثار احمد نجات وویل، چې هڅه کوو څو د زیانمنو کورنیو ستونزو ته پر وخت رسېدنه وکړو او د هغوی لپاره لا زیاتې مرستې برابرې کړو.
نېټه:۱۴۴۷/۱۱/۲۷ هـ ق
له پېښو سره د مبارزې آمادګۍ اداره
