د پنجشیر ولایت له خطر سره په مخ سیمو کې د خبرداري لوحې نصب شوې
د پېښو خطرونو د مخنیوي او د عامه پوهاوي لوړولو په موخه، د پنجشیر ولایت له پېښو سره د مبارزې آمادګۍ ریاست د یاد ولایت اړوند له خطر سره په مخ یو شمېر سیمو او لارو کې د واورې ښویېدو او ډوبېدو په اړه د خبرداري لوحې نصب کړې.
دا لوحې د پنجشیر ولایت په پریان، حصه اول، شتل ولسوالیو او مرکز کې په هغو سیمو کې چې د خطرونو رامنځته کېدو احتمال شتون درلود، نصب شوې.
د دې اقدام موخه، د سیمې د اوسېدونکو، مسافرو او د نښلوونکې لارې د کاروونکو لپاره پوهاوی وړاندې کول دی، ترڅو د خبرداریو په پام کې نیولو سره د احتمالي ځاني او مالي زیانونو مخنیوی وشي.
نېټه:۱۴۴۷/۷/۰۶ هـ ق
له پېښو سره د مبارزې آمادګۍ ملي اداره
