د ننګرهار ولایت له پېښو سره د مبارزې آمادګۍ ریاست په عمري پنډغالي کې راستنوشویو کورنیو ته خوراکي، غیر خوراکي او نور خدمات وړاندې کړل
د ننګرهار ولایت له پېښو سره د مبارزې آمادګۍ ریاست د دې ولایت په تورخم بندر، عمري پنډغالي کې له ګاونډیو هېوادونو څخه راستنو شویو کورنیو ته خوراکي او غیرخوراکي مرستې، د ماینونو په اړه عامه پوهاوی او په نورو بېلابېلو برخو کې ورته خدمات وړاندې کړل.
په دې لړۍ کې د مسؤلینو په شتون کې ٤ کورنیو ته د شپې تېرولو لپاره خوراکي توکي او کمپلې ووېشل شوې، ٢٨ نارینه او ٣٣ ښځینه وو ته د ماینونو په اړه عامه پوهاوی ورکړل شو، په یاد پنډغالي کې له پېښو سره د مبارزې آمادګۍ ملي ادارې لخوا د جوړ شوي روغتون د واکسیناتورانو په واسطه ٣٢ ماشومان واکسین شول، هر کډوال ته یوه شمسي، یوه زمیني پکه او درې کاټونه ورکړل شول او همدارنګه پر دې پنډغالي باندې په تېر شوي سړک باندې د دوړو د مخنیوي په موخه اوبه وشیندل او ورڅخه ټول کثافات ټول او په یو خوندي ځای ته ولېږدول شول.
نېټه: ۱۴۴۷/١/۲۴ هـ ق
له پېښو سره د مبارزې ملي اداره
