د میدان وردګ ولایت له پېښو سره د مبارزې آمادګۍ ریاست ۳۸ زیانمنو کورنیو ته خوراکي, غیرخوراکي او نغدي مرستې ووېشلې
د میدان وردګ ولایت له پېښو سره د مبارزې آمادګۍ ریاست, د یاد ولایت په نرخ ولسوالۍ کې د وروستیو ویجاړوونکو سیلابونو له امله ۳۸ زیانمنو کورنیو ته خوراکي, غیرخوراکي او نغدي مرستې ووېشلې.
په دې لړۍکې له سروې وروسته, له یادې جملې ۳۳ کورنیو هرې یوې ته دوه بورۍ ۵۰ کیلویي غنم، دوه بورۍ ٢٥ کیلویي وريجې، یو باب خیمه، دوه عدده سطلونه، یو عدد د پخلنځي کېټ، شل کلچې د لاس مینځلو صابون، دوه جوړه څپلکې، د ماشومانو د البسې یو کیټ، یو عدد د غذا خورۍ سیټ، څلور عدد د اوبو بوشکې، یو تخته ترپال، یو ثوب مختلفو النوعه البسه(چریکي بستري)، کلورین او د حفظه الصحې بروشر ووېشل شول.
همدا راز, د میدان وردګ ولایت اړوند د نرخ ولسوالی د چین زائی کلي د یو تن شهید ورثه ته, ۲۰,۰۰۰ افغانۍ (شل زره) او څلور تنه ټپیانو هر یو ته ۱۰,۰۰۰ (لس زره) افغانۍ ووېشل شوې, چې ټولټال ۶۰,۰۰۰ (شپيته زره) افغانۍ د یاد شمېر کورنیو لپاره ځانګړې شوې وې.
نېټه: ۱۴۴۷/۰۱/۰۶ هـ ق
له پېښو سره د مبارزې آمادګۍ ملي اداره
