د لغمان ولایت له پېښو سره د مبارزې آمادګۍ ریاست ۵۳ زیانمنو کورنیو ته خوراکي مرستې ووېشلې
له پېښو سره د مبارزې آمادګۍ ملي ادارې او د ARCI موسسې ترمنځ د لاسلیک شوي هوکړه لیک له مخې، د لغمان ولایت له پېښو سره د مبارزې آمادګۍ ریاست د خوړو نړیوال سازمان په مالي ملاتړ او د یادې موسسې په تخنیکي همکارۍ، د یاد ولایت په بېلابېلو ولسوالیو کې ۵۳ زیانمنو کورنیو ته خوراکي مرستې ووېشلې.
په دې لړۍ کې له سروې وروسته د مسؤلینو په شتون کې هرې کورنۍ ته ۱۰۰ کیلو اوړه، ۹.۱ کیلو غوړي، ۱۲.۵ کیلو دال، ۱ کیلو مالګه، انرژي لرونکي بسکوټ او WSB مواد ووېشل شول، د یادونې وړ ده چې دا مرستې د یوې میاشتې لپاره په پام کې نیول شوي وې او په پام کې ده چې راتلونکې میاشت هم یادو کورنیو ته د یوې میاشتې لپاره دا مرستې ووېشل شي.
نېټه: ۱۴۴۶/۹/۱۳
له پېښو سره د مبارزې آمادګۍ ملي اداره
