د لغمان ولایت له پېښو سره د مبارزې آمادګۍ ریاست له پاکستان هېواد څخه راستنېدونکو کورنیو ته د خوراکي او غیر خوراکي توکو مرستې ووېشلې
د لغمان ولایت له پېښو سره د مبارزې آمادګۍ ریاست د امارتي ادارو په ملاتړ، د دې ولایت د قرغه یي ولسوالۍ اړوند په سرخکان سیمه کې، له پاکستان هېواد څخه په اجباري توګه راستنېدونکو کورنیو ته د خوراکي او غیر خوراکي توکو مرستې ووېشلې.
په دې لړۍ کې، له ٢٥ کورنیو څخه هرې کورنۍ ته د مسؤلینو په شتون کې، ٤ بابه خېمې او ١٤٠ کسانو ته درې وخته ٤٠٠ عدده وچه ډوډۍ او نور خوراکي توکي ووېشل شول.
د یادونې وړ ده، چې د راستنېدونکو کورنیو لپاره د هغوی د اړتیاوو له مخې د خېمو درولو لړۍ جریان لري.
نېټه: ١٤٤٦/١٠/۲۹ ه.ق
له پېښو سره د مبارزې آمادګۍ ملي اداره
