د لغمان ولایت

له پېښو سره د مبارزې آمادګۍ ملي ادارې ولایتي ریاستونه، په ولایتي کچه د دې ادارې اجرایي بازو ګڼل کېږي، او د طبیعي او غیر طبیعي پېښو په وړاندې د وقایې، چمتووالي، ځواب وینې او بیا رغونې د پروګرامونو او تګلارو د پلي کېدو په برخه کې اساسي رول لري. دا ریاستونه له پېښو سره د مبارزې آمادګۍ ملي ادارې د قوانینو او تګلارو پر بنسټ، د پېښو د خطرونو د مدیریت اړوندو فعالیتونو د همغږۍ مسؤلیت لري. ولایتي ریاستونه د سیمه‌ییزو چارواکو، شوراګانو او د ملي او نړیوالو بنسټونو سره په نږدې همکارۍ هڅه کوي تر څو د ټولنو زیانمنتیا راکمه کړي او د پېښو پر وړاندې سیمه ییزې وړتیاوې پیاوړې کړي.

د ولایتي ریاستونو موخې
1. د ولایتونو په کچه له پېښو سره د مبارزې آمادګۍ ملي ادارې د پروګرامونو او پروژو په اغېزناکه توګه پلي کول.
2. له پېښو سره د مبارزې او د خطرونو د کمولو لپاره د سیمه ییزو ټولنو چمتووالی لوړول.
3. د بشري مرستو همغږي کول او د پېښو رامنځته کېدو پر مهال بېړنۍ ځواب وینه.
4. له سیمه ییزو چارواکو، دولتي او غیردولتي او ټولنیزو بنسټونو سره د همکاریو پیاوړي کول.
5. د ولایتونو په کچه د پروګرامونو او پروژو د پلي کېدو د بهیر څارنه او ارزونه کول.
6. د وقایوي پروژو او بیارغونې لپاره د سیمه ییزو او نړیوالو ملاتړونو جلبول.

د  لغمان  ولایت  له پېښو سره د مبارزې آمادګۍ ریاست
فعالیتونو او لاسته راوړنې: 
(د 1404 د لمړی ربع راپور)

د ریاست مسوول:         قاری خیر محمد غازی  
د اړیکې شمېـــــره:        070766751       
ایمیل:                             jananqareyghazi@gmail.com   
             

ژوندلیک:
قاري خیرمحمد غازي د محمدالدین صافي زوی، د لغمان ولایت په میدانۍ سفلي کلي کې زېږېدلی دی. نوموړی د یاد ولایت د غازي‌اباد د کلي اصلي اوسېدونکی دی. غازي صاحب د ښوونځي تر شپږم ټولګي پورې ابتدايي زده‌کړې بشپړې کړې دي، ورپسې یې د پاکستان د پېښور ښار په بېلابېلو دیني مدرسو کې ديني زده‌کړې پای ته رسولې دي. ښاغلي غازي د مجاهدینو په لیکو کې هم څرګند رول درلود، له همدې امله نوموړی له فتحې وروسته لومړی د استخباراتو په برخو کې دندې ترسره کړې او وروسته د لغمان ولایت له پېښو سره د مبارزې آمادګۍ رئیس وټاکل شو او تر اوسه پورې په دې برخه کې په خدمت کولو بوخت دی.

د ریاست موقعیت:         مهترلام،  د سلطان غازی بابا ښارګوتی
      
  
په نقشه کې موقعیت: