د فراه ولایت له پېښو سره د مبارزې آمادګۍ ریاست ۱۴۸۹ کورنیو ته نغدي مرستې مرستې ووېشلې
له پېښو سره د مبارزې آمادګۍ ملي ادارې او د رازي موسسې ترمنځ د لاسلیک شوي هوکړه لیک له مخې، د فراه ولایت له پېښو سره د مبارزې آمادګۍ ریاست د یادې موسسې په مالي ملاتړ، د یاد ولایت د بکواه، ګلستان، بالابلوک، پشترود، لاش جوین، خاکسفید، پشت کوه او شیب کوه ولسوالیو او مرکز اړوند ۱۴۸۹ بېوزله، مستحقو، کډوالو او راستنېدونکو کورنیو ته نغدي مرستې ووېشلې.
په دې لړۍ کې د مسؤلینو په شتون کې له یادې جملې ۷۳۹ کورنیو هرې یوې ته د ۲۰۰ ډالرو معادل افغانۍ او ۷۵۰ نورو کورنیو هرې یوې ته د ۱۵۰ ډالرو معادل افغانۍ ووېشل شوې، چې ټولټال د ۲۶۰,۳۰۰ (۲۶۰ زره او ۳۰۰) ډالرو معادل افغانۍ د یاد شمېر کورنیو لپاره په پام کې نیول شوي وې.
نېټه:۱۴۴۶/۸/۲۶
له پېښو سره د مبارزې آمادګۍ ملي اداره
