د دایکندي ولایت له پېښو سره د مبارزې آمادګۍ ریاست ۱۴۶۰ زیانمنو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د افغانستان لپاره د ناروې کمېټې ترمنځ د لاسلیک شوي هوکړه لیک له مخې، د دایکندي ولایت له پېښو سره د مبارزې آمادګۍ ریاست د یادې کمېټې په مالي ملاتړ، د دې ولایت د خدیر او سنګتخت ولسوالیو اړوند ١٤٦٠ زیانمن شویو کورنیو ته له سروې وروسته د دوه یم پړاو نغدي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ٣،٠٠٠ افغانۍ ووېشل شوې، چې ټولټال د یاد شمېر کورنیو لپاره څلور میلیونه او درې سوه او اتیا زره (٤،٣٨٠،٠٠٠) افغانۍ ځانګړې شوې وې.
د یادونې وړ ده، چې یادې مرستې له دې کورنیو سره د طبیعي پېښو د زیانونو د کمولو په موخه تر سره شوې چې په راتلونکي کې به نورې مرستې هم ورسره ترسره شي.
نېټه: ۱۴۴۷/۰۲/۰۴ هـ ق
له پېښو سره د مبارزې آمادګۍ ملي اداره
