د جوزجان ولایت له پېښو سره د مبارزې آمادګۍ ریاست ۱۲ زیانمنو شویو کورنیو ته د خوراکي او غیر خوراکي توکو مرستې ووېشلې
د جوزجان ولایت له پېښو سره د مبارزې آمادګۍ ریاست د ولایت مقام د لارښوونې له مخې د اورلګېدنې له امله ۱۲ زیانمنو شوو کورنیو ته خوراکي او غیر خوراکي توکي ووېشل.
په دې لړۍ کې د مسوولینو په شتون کې، هرې کورنۍ ته ۵۰ کیلو وریجې، ۱۵ لېتره غوړي، ۲ عدده د اوبو سطلونه، ۲ تختې کمپلې، ۱ تخته ترپال او یوه روغتیايي بسته ووېشل شوه، همدارنګه یوې کورنۍ ته چې کور یې په بشپړ ډول ویجاړ شوی وو، سربېره پر پورتنیو توکو یو باب خېمه هم ورکړل شوه.
نېټه: ١٤٤٦/٨/١٧
له پېښو سره د مبارزې آمادګۍ ملي اداره
