د بدخشان پامیریانو (قرغېز) خوراکي او غیرخوراکي مرستې ترلاسه کړې
پامیر- د لیندۍ ۱۲مه-۱۴۰۱
حافظ محمود الحسن، پېښو ته د رسېدو په چارو کې د دولت وزارت د بشري سرچینو رییس د بدخشان ولایت مقام پلاوي، د دغه ولایت پېښو سره د مبارزې رییس د سرحدونو، قومونو او قبایلو وزارت په سرپرستي، د بدخشان سرحدي ولسوالیو په ځانګړي توګه د پامیرانو( د نړۍ بام) قرغېز اوسېدونکو د ستونزو، ننګونو او هغوۍ ته د خدمتونو د وړاندې کولو لپاره سفر وکړ.
پېښو ته د رسېدو په چارو کې د دولت وزارت د بشري سرچینو رییس، د ا.ا.ا د کابینې د پرېکړې او پېښو ته د رسېدو په چارو کې د دولت وزارت د ځانګړې پاملرنې پر بنسټ، ۱۸ قلمه خوراکي او غیر خوراکي توکي احتمالي پېښو ته د رسېدنې په موخه د د پامیرانو اوسېدونکو لپاره لېږل شوي دي.
نوموړي زیاته کړه چې د دغه ولایت سرحدي ولسوالۍ د یاد وزارت په پام کې شتون لري چې د بدخشان نورو سرحدي ولسوالیو خلکو ستونزو ته د رسېدنې لپاره پېښو ته د رسېدو په چارو کې د دولت وزارت عملي پروګرامونو په پام کې نیولي دي.
د بدخشان ولایت د دفتر رییس د بدخشان سرحدي اوسېدونکو په ځانګړي توګه د پامیریانو ستونزو او ننګونو ته د ا.ا.ا عالیقدر رییس الوزرا له ځانګړي او بېړنۍ پاملرنې څخه په مننې سره ووېل چې د پامیر اوسېدونکي د افغانستان تر ټولو محروم خلک دي چې اوس مهال یاده ولسوالۍ چې لرې پرته او پېچلې جغرافیا لري د یادې ولسوالۍ خلک له ډېرو کمو امکاناتو څخه برخمن دي.
