د بامیان ولایت له پېښو سره د مبارزې آمادګۍ ریاست له ۸۱۴ اړمنو کورنیو سره د ژمنی توکو د دویم پړاو لپاره نغدي مرستې وکړې
له پېښو سره د مبارزې آمادګۍ ملي ادارې او د ژغورنې نړیوالې کمېټې (IRC) ترمنځ د تفاهمنامی له مخې، دغه سازمان هغو ۸۱۴ زیانمنو او اړمنو کورنیو ته نغدي مرستې ووېشلې چې مخکې لا د بامیان ولایت له پېښو سره د مبارزې آمادګۍ ریاست لخوا مستحقې ثبت شوې وې.
په دې پړاو کې، هرې کورنۍ ته د یاد ریاست د استازي په شتون کې ۲۷۰۰ افغانۍ ور کړې چې جمله ۲,۱۹۷,۸۰۰ افغانۍ ۸۱۴ کورنیو ته ووېشل شوې.
په پام کې ده چې دغه کورنۍ به په راتلونکو شپږو میاشتو کې بیا هم د IRC کمېټې له لوري له نغدي مرستو برخه منې شي.
نیټه: ۱۴۴۶/۵/۱۲ هــ ق
له پېښو سره د مبارزې آمادګۍ ملي اداره
