د بادغیس ولایت له پېښو سره د مبارزې آمادګۍ ریاست ۱۰۰۰ کورنیو ته خوراکي او غیرخوراکي مرستې ووېشلې
د بادغیس ولایت له پېښو سره د مبارزې آمادګۍ ریاست, د یاد ولایت په مقر او سنګ آتش ولسوالیو او مرکز قلعه نو ښار کې د طبیعي او غیرطبیعي پېښو له امله زیانمنو او اجباري راستنېدونکو ۱۰۰۰ کورنیو ته له سروې وروسته خوراکي او غیرخوراکي مرستې ووېشلې.
په دې لړۍ کې د مسؤلینو په شتون کې, له یاد شمېر کورنیو څخه ۸۹۱ کورنیو هرې یوې ته ۵۰ کیلو غنم, ۲۵ کیلو وریجې, ۹ کورنیو ته چې کورونه یې په بشپړه توګه ویجاړ شوي وو, هرې کورنۍ ته ۵۰ کیلو غنم, ۲۵ کیلو وریجې یو باب خیمه او ۱۰۰ نورو کورنیو هرې یوې ته ۲۵ کیلو وریجې, دوه تختې کمپلې او ۵۰ کیلو غنم ووېشل شول.
نېټه: ۱۴۴۷/۱/۲۴ هـ ق
له پېښو سره د مبارزې ملي اداره
