د ارغنداب ولسوالۍ له اړمنو کورنیو سره نغدي مرسته وشوه
ارغنداب -د سلواغي ١٣مه١٣٩٩
دارغنداب ولسوالۍ د هغه اړمنو کورنیو سره نغدي مرسته وشوه چي د روان جنګ له امله کډوال شوي وه ، یادي کورنۍ اوس د ارغنداب ولسوالۍ د پوهني دامریت اړوند د باباولي صاحب په لېسه کي میشتي دي چي ټولي ۱۱ کورنۍ کیږي، چي هري کورنۍ ته ( ۶۰۰۰ )شپږ زره افغانۍ ور کړل شوې.
نوموړې مرسته چي دکندهار ولایت پيښو سره دچمتوالي ریاست لخوا چمتو شوې دي؛ چي د وېش پر مهال یې د یاد ریاست رئیس سردارمحمد بارانی، د ارغنداب ولسوال شریف احمد رسولي او د دې ولسوالۍ د انکشافي شورا رئیس حاجي محمد سلطاني هم شتون درلود.
یادو کورنیو د مرستي د ورکړي پر مهال د ارغنداب د ولسوال، د شورا د رئیس او پيښو سره د چمتوالي ریاست د مسؤلینو څخه خوښي وښودل او نورو مرستو غوښتنه وکړل.
