دپیښو سره د مبارزې امادګۍ ملي ادارې او اغاخان پراختیایی شبکي ترمنځ د ګډو همکاریو تفاهم نامه لاسلیک شوه
نن ورځ سي شنبه له پیښو سره د مبارزې امادګۍ ملې ادارې سرپرست الحاج ملا نورالدین ترابي د اغاخان د پراختیایی شبکي د حقوقي مسؤل عصمت الله عصمتي او د یادي شبکي د مل پلاوي سره په خپل کاري دفتر کي وکتل.
ترابي صاحب داغاخان پراختایی شبکي راغلي پلاوي ته د ښه راغلاست ترڅنګ وویل چي خوشاله یو چي نن یو داسي تفاهم نامه لاسلیک کوو چي په هغه سره زموږ اولس ته په بیلابیلو برخو کي خدمتونه ترسره کیږي او ددې شبکي د ټول کاري ټیم څخه یی مننه وکړه چي زموږ دزوریدلي اولس سره همکاري کوي.
همداراز ترابی صاحب د ژمي په رارسیدو سره یې د ټولو نړیوالو او داخلي موسیسو او سازمانونو څخه غوښتنه وکړه چي خپلي مرستي د مستحقو کسانو لپاره زیاتی کړی .
دیادې شبکي حقوقي مسؤل عصمت الله عصمتي وویل چی پراختیایی شبکه یوه لویه پروژه او بنسټ دی چی په بیلابیلو برخو کي لکه صحت زراعت پوهنه او مخابراتو او استینادي دیوالانو په برخه کي اولس ته خدمت وړاندي کوي.
ښاغلي عصمتي زیاته کړل چي خوښ یو چي له پیښو سره د مبارزې امادګۍ ملي اداره زموږ کارونه بیله ځنډه راته خلاصوي او دیادې ادارې دټول کار ټیم څخه یی مننه وکړل او ترڅنګ وویل چي دیادي ادارې سره باید بیلابیل موسیسات او سازمانونه دطبعي او غیري طبعي پیښو لپاره مرسته وکړي ترڅو افغان اولس پر وخت د یادو مرستو څخه برخمن سي.
دیادوني وړ ده چي یاده موسیه د۹۹۶۰۰۰ ډالرو په ارزښت د بغلان ولایت په مرکزي بغلان، دهنې غوري او برکه ولسوالیو کي دسیلاب ځپلو بي سرپنا کورنیو ته ۳۰۰ کورونه جوړوي.
په ورستیو کي تفاهم نامه لاسلیک سوه او پر ګډو همکاريو دداوم غوښتنه وسوه.
۱۴۴۶/۵/۱۰ هــ ق
له پیښو سره د مبارزې امادګۍ ملي اداره
