په کندز ولایت کې ناچاوده توکي کشف او خنثی شول
د کندز ولایت له پېښو سره د مبارزې آمادګۍ ریاست د MCPA مؤسسې د همغږۍ له مخې، د یادې مؤسسې د چټک غبرګون دوهم ټیم په ملاتړ، د دې ولایت په مرکز کې له تېرو جګړو څخه پاتې شوي بېلابېل چاودېدونکي توکي کشف او په خوندي توګه له منځه یوړل.
د یادو عملیاتو په پایله کې، ۹ عدده د هاوان مرمۍ، ۱۸ بېلابېل ډوله راکټونه چې BM 41 او BM21 راکټونو هم پکې شتون درلود او ۶ عدده ارټیلر کشف او په خوندي ډول له منځه یووړل شول.
د کندز ولایت له پېښو سره د مبارزې آمادګۍ ریاست مسؤلین وایي چې له جګړو پاتې چاودېدونکي توکي تل د خلکو، په ځانګړي ډول د ماشومانو لپاره جدي ګواښ جوړوي، له همدې امله د دې توکو د پېژندنې، راټولولو او د پاکولو لپاره په دوامداره توګه هڅې روانې دي.
نېټه: ۱۴۴۷/۹/۰۶ هـ ق
له پېښو سره د مبارزې آمادګۍ ملي اداره
