په میدان وردګ ولایت کې ۸ زیانمنو کورنیو ته د کورونو ترمیم لپاره د دویم قسط نغدي مرستې ووېشل شوې
د میدان وردګ ولایت له پېښو سره د مبارزې آمادګۍ ریاست د DRC په مالي ملاتړ، ۸ کورنیو ته چې د یاد ولایت سیدآباد ولسوالۍ په تنګي دره سیمه کې یې د وروستیو سېلابونو له امله کورونه په نیمه او بشپړه توګه ویجاړ شوې و، د دویم قسط نغدي مرستې ووېشلې.
په دې لړۍ کې، هرې کورنۍ ته د هغوی زیانونو ته په کتو له ۱۲۵۰۰ نه تر ۵۱۵۰۰ افغانۍ نغدي مرستې ووېشل شوې.
د یاد ریاست مشر مولوي فیض الله جلالي له دغو کورنیو وغوښتل چې ترلاسه کړې پیسې یوازې د کورونو ترمیم او جوړولو لپاره مصرف کړي او ټینګار یې وکړ چې له همکارو موسسو سره په همغږۍ هڅه کوي چې په ټولو ولسوالیو او د ولایت په لرې پرتو سیمو کې ورته پروژې ترسره کړي.
نېټه: ۱۹/۴/۱۴۴۶
له پېښو سره د مبارزې آمادګۍ ملي اداره
