له پېښو سره د مبارزې آمادګۍ ملي ادارې لوی رئيس د افغانستان لپاره د ترکي د سرې میاشتي له مسؤل سره وکتل
نن ورځ چهار شنبه، له پېښو سره د مبارزې آمادګۍ ملي ادارې لوی رئیس ښاغلې الحاج ملا نورالدین ترابي د افغانستان لپاره د ترکې د سرې میاشتي له مسؤل نعیم الله کریمي سره په خپل کاري دفتر کي وکتل.
ښاغلې ترابي صاحب راغلي پلاوي ته د ښه راغلاست ترڅنګ وویل چي موږ غواړو له پیښو سره د مبارزې آمادګۍ ملي اداره یوه قوي، بې طرفه او بشرپاله اداره واوسي او خدمتونه یې ټولو هیوادوالو ته ورسیږي او په هره برخه کي مو کار ورته کړی دی او لا هم ډیر کارته ضرورت لري.
همداراز، ښاغلې ترابی صاحب زیاته کړه چي موږ غواړو د دې اداری لپاره په مرکز او ولایتونو کی په منظم ډول رضاکاران جذب او تربیه کړو چي په کابل ولایت کی مو رضاکاران جذب او تریننګ کړل او دا لړی به انشاالله ولایتونو ته هم وغځوو نو په دي مهم کار کي موږ داړونده نهادونو څخه پوره همکاری غواړو
د افغانستان لپاره د ترکي د سرې میاشتي مسؤل د ترابي صاحب د کارونو څخه ځانګړي مننه وکړه او زیاته یې کړه چي په دې اداره کي زیات بدلون راغلی دی او د هغه تر څنګ اداري کارونه چټک سوي دي.
ښاغلي نعیم الله کریمي وویل چي موږ به د ترکې د سفارت، TIKA او JIKA سره هم خبري وکړو تر څو ددې ادارې او د ترکې هیواد د AFAD ادارې تر منځ همغږي وکړي او اړیکي پیاوړي کړي.
نیټه: ۱۴۴۷/۲/۲۶ هــ ق
له پېښو سره د مبارزې آمادګۍ ملي اداره
