له پېښو سره د مبارزې آمادګۍ ملي ادارې سرپرست په کابل کې د قلعه حیدر د اورلګېدنې له سیمې څخه لیدنه وکړه
نن سهار، له پېښو سره د مبارزې آمادګۍ ملي ادارې سرپرست محترم الحاج ملا نورالدین ترابي، د کابل ولایت د پغمان ولسوالۍ په قلعه حیدر کې د اورلګېدنې له سیمې څخه لیدنه وکړه او د اورلګېدنې له امله د زیانمنو شویو سره یې خپله خواخوږي څرګنده کړه.
محترم ترابي صاحب دزیانمنو سره د خواخوږي په څرګندولو سره وویل چې په سیمه کې ګډ ټیمونه شتون لري او د اورلګېدنې د پېښې رامنځته کېدو د څرنګوالي څېړلو او له سروې وروسته به له زیانمنو سره اړین تصمیمونه ونیول وشي.
د یادونې وړ ده چې د دې پېښې له رامنځته کېدو وروسته، د اطفائیې ټیمونه په لومړیو ساعتونو کې د پېښې ځای ته ورسېدل او د اور د خپرېدو مخه یې ونیوله.
همدارنګه د دې پېښې زیانمنو د اطفائیې ګډو ټیمونو او له پېښو سره د مبارزې آمادګۍ ملي ادارې له مشرتابه د مننې او قدردانۍ ترڅنګ د اړینو همکاریو غوښتنه وکړه.
د یادونې وړ ده چې د دې اورلګېدنې له امله انساني تلفات او مالي زیانونه رامنځته شوي، چې دقیق راپور به یې له بشپړې ارزونې وروسته شریک شي. همدارنګه د ګاز ټانکر ټوټې د اورلګېدنې ځای څخه ۲ کیلومتره شاوخوا ته غورځېدلې او ځایي خلکو ته یې مالي زیان رسولی دی.
نېټه: ۱۴۴۶/۵/۱
له پېښو سره د مبارزې آمادګۍ ملي اداره
