د ننګرهار ولایت له پېښو سره د مبارزې آمادګۍ ریاست ٨٤ بېوزله کورنیو ته ٥٠٤٠٠٠ افغانۍ نغدي مرستې ووېشلې
له پېښو سره د مبارزې آمادګۍ ملي ادارې او د ژغونې نړیوالې کمېټې (IRC) ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې کمېټې په مالي ملاتړ، د دې ولایت په سره رود ولسوالۍ کې ٨٤ بېوزله کورنیو ته له سروې وروسته نغدي مرستې ووېشلې.
په دې لړۍ کې، هرې کورنۍ ته د مسؤلینو په شتون کې، د پنځم او شپږم پړاو ٦٠٠٠ افغانۍ ووېشل شوې، چې ټولټال ٥٠٤,٠٠٠ ( ٥٠٤ زره ) افغانۍ د یاد شمېر کورنیو لپاره ځانکړې شوې وې.
د یادونې ده، چې له دې کورنیو سره یادې مرستې د خوراکي توکو د برابرولو په موخه ترسره شوې.
نېټه: ۱۴۴۶/٩/٢٤
له پېښو سره د مبارزې آمادګۍ ملي اداره
