د میدان وردګ ولایت له پېښو سره د مبارزې آمادګۍ ریاست ۱۰۴ اجباري راستنېدونکو کورنیو ته خوراکي او غیرخوراکي مرستې ووېشلې
د میدان وردګ ولایت مقام د لارښوونې پر بنسټ، د یاد ولایت له پېښو سره د مبارزې آمادګۍ ریاست له ایران او پاکستان څخه په اجباري ډول راستنېدونکو ۱۰۴ کورنیو ته له سروې وروسته خوراکي او غیرخوراکي مرستې ووېشلې.
په دې لړۍ کې هرې کورنۍ ته ۱ بورۍ ۵۰ کیلویی اوړه، ۵ کیلو بوره، نیم کیلو تور چای، ۱ عدد هایجن کیټ، ۱ بسته ژمنۍ البسه، ۲۸ پاکټه د کلورین ټابلیت، ۲ جلده د لاس مینځلو لارښود او ۳۰ کسانو ته د پېښو په اړه د پوهاوي او د دې ادارې د فعالیتونونو په اړه بروشر ووېشل شول. همداراز ١ باب لویه خیمه هم د کوتل پايتخت د کډوالو ښار ګوټي د مسجد شریف لپاره ملا امام ته ورکړل شوه.
نېټه:۱۴۴۷/۶/۱۵ هـ ق
له پېښو سره د مبارزې آمادګۍ ملي اداره
