د میدان وردګ له پېښو سره د مبارزې آمادګۍ ریاست د یو ګبیوني دیوال د جوړولو کار بشپړ کړ او ګټې اخیستنې ته یې وسپاره
د میدان وردګ ولایت له پېښو سره د مبارزې آمادګۍ ریاست، د یاد ولایت د سیدآباد ولسوالۍ په ګیدړخیل سیمه کې د ۵۳ متره په اوږدوالي او ٣ متره لوړوالي د ګبیونی دیوال د جوړولو چارې بشپړې کړې او د یو شمېر سیمه ییزو مسؤلینو په شتون کې یې رسماً ګټې اخستنې ته وسپاره.
د یادونې وړ ده، چې د دې ګبیوني دیوال په جوړېدو سره ګڼ شمېر هستوګنیز کورونه او سلګونه جریبه کرنیزې ځمکې د سېلابونو له خطرونو څخه خوندي شوې دي.
ځایی اوسیدونکو د ګبیونې دیوال جوړولو او د هغوی ستونزو ته پر وخت د رسېدنې په پار د میدان وردګ ولایت له پېښو سره د مبارزې آمادګۍ ریاست له مسؤلینو څخه مننه او قدردانې وکړه او ویې ویل، چې د هغوی زیات شمیر کورونه او کرنیزې ځمکی د سیلابونو له ګواښ څخه په امن کې شوې.
نېټه:۱۴۴۷/۱۲/۰۷ هـ ق
له پېښو سره د مبارزې آمادګۍ اداره
