د جوزجان ولایت له پېښو سره د مبارزې آمادګۍ ریاست ۲,۷۲۹ مستحقو کورنیو ته نغدې مرستې ووېشلې
له پېښو سره د مبارزې آمادګۍ ملي ادارې او د SFL موسسې ترمنځ د لاسلیک شوي هوکړه لیک له مخې، د جوزجان ولایت له پېښو سره د مبارزې آمادګۍ ریاست د یادې موسسې په تخنیکي همکارۍ او د خوړو نړیوال پروګرام (WFP) مالي ملاتړ، په شبرغان ښار کې ۲,۷۲۹ مستحقو کورنیو ته له سروې وروسته نغدې مرستې ووېشلې.
په دې لړۍ کې د مسؤلینو په شتون کې هرې کورنۍ ته ۲,۹۰۰ افغانۍ ووېشل شوې، چې ټولټال اووه میلیونه او نه سوه څوارلس زره او سل (۷,۹۱۴,۱۰۰) افغانۍ نغدې پیسې د یاد شمېر کورنیو لپاره ځانګړې شوې وې.
د یادونې وړ ده، چې په پای کې د مرستو ترلاسه کوونکو له پېښو سره د مبارزې آمادګۍ ریاست او یادې موسسې څخه مننه وکړه او د مرستو د دوام غوښتنه یې وکړه.
نېټه:۱۴۴۷/۶/۱۳ هـ ق
له پېښو سره د مبارزې آمادګۍ ملي اداره
