د تخار ولایت له پېښو سره د مبارزې آمادګۍ رياست ۵۶۰ زیانمنو او بېوزله کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د اکټیډ موسسې ترمنځ د لاسلیک شوي هوکړه لیک له مخې، د تخار ولایت له پېښو سره د مبارزې آمادګۍ ریاست د یادې موسسې په مالي ملاتړ، د یاد ولایت په چاه آب ولسوالۍ کې ۵۶۰ زیانمنو او بېوزلو کورنیو ته له سروې وروسته نغدي مرستې ووېشلې.
په دې لړۍ کې د سیمه ییزو مسؤلینو په شتون کې، له یاد شمېر کورنیو څخه ۱۴۰ کورنیو هرې یوې ته ۱۲,۷۸۰افغانۍ او ۴۲۰ کورنیو هرې یوې ته۱۰,۶۵۰ افغانۍ ووېشل شوې، چې ټولټال د یاد شمېر کورنیو لپاره ۶,۲۶۲,۲۰۰ (۶ میلیونه، ۲۶۲ زره او ۲۰۰ ) افغانۍ ځانګړې شوې وې.
نېټه: ۱۴۴۶/۱۰/۲۹ هــ ق
له پېښو سره د مبارزې آمادګۍ ملي اداره
