د بلخ ولایت په زاري ولسوالۍ کې د یو ګبیوني دیوال د جوړولو چارې پیل شوې
د عالیقدر امیر المؤمنین حفظه الله د حکم له مخې، چې د ټولو ولایتونو لپاره یې د یو میلیون افغانیو په ارزښت یوه يوه پروژه منظور کړې ده، د بلخ ولایت له پېښو سره د مبارزې آمادګۍ ریاست د یاد ولایت د زاري ولسوالۍ په بلوڅ کلي کې د یو ګبیوني دیوال د جوړولو چارې، چې تمویل کوونکې یې له پېښو سره د مبارزې آمادګۍ ملي اداره ده، د نه سوه او اوه نوي زره او پنځه سوه (۹۹۷،۵۰۰) افغانیو په لګښت پیل کړې.
د یاد استنادي دیوال د پرانیستنې مراسم، د دې ولایت له پېښو سره د مبارزې آمادګۍ ریاست د آمر؛ محترم شیخ عبدالواسع حدید، سیمه ییزو اوسېدونکو او مخورو سپین ږیرو په شتون کې د ۱۰۰ مترو په اوږدوالي، ۲ متره سور او ۳ متره لوړوالي په درلودلو سره، ترسره شول.
د یادونې وړ ده، چې د یاد ګبیوني دیوال په جوړېدو سره به د دې ولسوالۍ او مرکز ترمنځ د تګ راتګ لاره، چې د سېلابونو له سختو احتمالي خطرونو سره مخ ده او له وړاندې هم څو ځله د سېلابونو په واسطه بنده شوې وه وژغورل شي.
نېټه: ۱۴۴۷/۵/۱۰ هـ ق
له پېښو سره د مبارزې آمادګۍ ملي اداره
