د کندهار ولایت په ارغنداب ولسوالۍ کې یو عدد ناچاوده ماین کشف او خنثی شو
د کندهار ولایت له پېښو سره د مبارزې آمادګۍ ریاست په همغږۍ، د DRC مؤسسې د ماین پاکۍ برخې د (AIM-01) تخنیکي ټیم د یاد ولایت د ارغنداب ولسوالۍ د شاتوري کلي په سیمه کې د سیمې د پاکولو د عملیاتو پر مهال یو عدد ناچاوده ماین کشف او په خوندي ډول خنثی کړ.
یاد ټیم د ماین پاکۍ عملیاتو په ترڅ کې یو عدد په لاس جوړ شوی بوشکهیي ماین کشف او په خوندي توګه لمنځه یووړ.
د کندهار ولایت له پېښو سره د مبارزې آمادګۍ ریاست له ټولو هېوادوالو غوښتنه کوي چې د هر ډول ناچاوده او شکمنو توکو د لیدو په صورت کې دې له لمس کولو او نږدې کېدو څخه ډډه وکړي او ژر تر ژره دې اړوندو امنیتي او مسؤلو ادارو ته خبر ورکړي، ترڅو د خلکو د ځان او مال د ساتنې لپاره لازم اقدامات ترسره شي.
نیټه: ۱۴۴۷/۱۲/۲۳ هـ ق
له پېښو سره د مبارزې آمادګۍ اداره
