پېښو ته د رسېدو په چارو کې د دولت وزیر د ترکیې جمهوریت تیکا موسسې مشر او کاردیناتور سره وکتل
کابل- د لړم ۲۶مه-۱۴۰۱
محترم الحاج ملا محمد عباس آخند، پېښو ته د رسېدو په چارو کې د دولت وزیر نن سهار په خپل کاري دفتر کې له ذوهتوچال، د ترکیې جمهوریت تیکا موسسې مشر او کاردیناتور سره په بېړنیو حالاتو کې د دغه وزارت د کارکونکو ظرفیت لوړولو په موخه وکتل او خبرې یې وکړې.
په دغه ناسته کې د تیکا موسسې مشر د تیکا دفتر د کړنو په اړه د معلوماتو په وړاندې کولو سره ووېل: دا موسسه د نړۍ په اکثره هیوادونو کې په ځانګړي توګه په افغانستان کې په بېړنیو حالاتو کې د کارکونکو د ظرفیت لوړولو او په بېړنیو حالاتو کې زیانمن شویو ته د مرستو رسولو په برخه کې کار کوي.
نوموړي زیاته کړه چې د تیکا موسسه، پېښو ته د رسېدو په چارو کې د دولت وزارت د کارکونکو لپاره په کابل او یا هم په ترکیه کې د لنډمهاله روزنیزو پروګرامونو زمینه برابروي.
وروسته پېښو ته د رسېدو په چارو کې د دولت وزیر، د ښه راغلاست ترڅنګ د ترکیې جمهوریت هیواد څخه د ستاینې او په تېر وخت کې د افغانستان او ترکیې د دوستي په یادولو سره ووېل: په بېړنیو حالاتو کې د دغه وزارت د کارکونکو ظرفیت لوړولو په برخه د تیکا موسسې همکاري مهمه او حیاتي ده.
الحاج ملا محمد عباس آخند، د دغه وزارت فعالیتونه د غیرسیاسي په بللو سره زیاته کړه: د کارکونکو د ظرفیت لوړلو سربېره د پېښو لکه سیلابونو او نورو طبیعي پېښو مدیریت او د پېښو له امله رامنځته شویو ځاني او مالي زیانونو څخه د مخنیوي لپاره تکنالوژي او پرمختللیو وسایلو او په دې برخه کې د همکاري غوښتنه وکړه.
په پاۍ کې دواړو خواوو پر لازیاتو همکاریو باندې په خبرو سره ژمنه وکړه ترڅو د اړتیاوو د اروزنې څخه وروسته د تیکا دفتر به له دغه وزارت سره د تکنالوژي او وسایلو پلورلو په برخه کې همکاري وکړي.
