ظرفیت لوړونه:

ظرفیت لوړونه د فعالیتونو، پروګرامونو او تدابیرو یوه ټولګه ده، چې موخه یې د یو سازمان یا افرادو په کچه د وړتیاوو، مهارتونو، پوهې او امکاناتو زیاتوالی دی، څو له امله یې کارونه په چټکه او اغېزمنه توګه تر سره شي. له پېښو سره د مبارزې آمادګۍ ملي ادارې په چوکاټ کې، ظرفیت لوړونه د طبیعي او غیرطبیعي پېښو پر وړاندې په اغېزمنه توګه د مبارزې او ځواب وینې لپاره د دې ادارې د تخنیکي، انساني، عملیاتي او ساختاري وړتیاوو پیاوړي کول دي.

د ظرفیت لوړونې د پروګرامونو له پیلولو څخه زموږ اساسي موخه، په مرکزي او ولایتي کچه د دې ادارې د تخنیکي، مدیريتي او عملیاتي وړتیاوو پیاوړي کول دي، ترڅو د پېښو پر وړاندې چټکه او اغېزمنه ځواب وینه ترسره شي.

متوقعه موخې:

•          د پېښو پر مهال د دولتي او غیر دولتي ادارو تر منځ د همغږۍ ښه والی.

•          د بشري تلفاتو او مالي زیانونو کمول.

•          د احتمالي خطرونو او وقایوي لارو چارو په اړه د عامه پوهاوي لوړول.

•          د ادارې د بشري سرچینو پیاوړي کول.

•          د چټکو خبرداریو او بیړني غبرګون سیستمونو ښه والی.

لاسته راوړنې:

•          د هېواد دننه او بهر د سلګونو کارکوونکو مسلکي او مديريتي روزنه.

•          په اړینو وسایلو سره د مرکز او ولایتونو د دفترونو مجهز کول .

•          د ښه چمتووالي لپاره د تعلیمي او عملیاتي مانورونو ترسره کول.

•          د تخنیکي او مالي ملاتړ د جلب په موخه له نړیوالو سازمانونو سره اغېزمنې همکارۍ درلودل.

•          په وروستیو کلونو کې د ګڼو طبیعي پېښو پرمهال پر وخت ځواب وینه او د تلفاتو د پام وړ کمښت.