پېښو ته د رسېدو په چارو کې د دولت وزارت خبري ناسته؛ څه د پاسه ۱۰ زره زلزلې ځپلو کورنیو خوراکي، غیرخوراکي او نغدي مرستې ترلاسه کړې

rahyab
شنبه ۱۴۰۱/۴/۱۱ - ۲۰:۱۱
News

کابل- د چنګاښ ۱۱مه-۱۴۰۱
مولوي شرف الدین مسلم پېښو ته د رسېدو په چارو کې د دولت وزارت مرستیال، په رسنیز کنفرانس کې وویل: څه د پاسه ۱۰ زره کورنۍ چې په پکتیکا او خوست ولایتونو کې د زلزلې له امله زیانمنې شوي وې، نغدي، خوراکي او غیرخوراکي مرستي یې ترلاسه کړې.
مولوي شرف الدین مسلم، چې نن شنبه د حکومت د عامه او استراتیژیکو اړیکو ادارې د اطلاعاتو او رسنیو په مرکز کې یې په یو خبري کنفرانس کې زلزلې ځپلو ته د رسېدنې په اړه خبرې کولې، او د اندېښنې په ښوودو سره یې زیاته کړه چې له بده مرغه د ځاني او مالي زیانونو شمېر زیات دې. نوموړي زیاته کړه چې څه د ۱۶۰ میلیونه نغدي افغانۍ، د شهیدانو ورثې او ټپیانو ته چې د هر شهید کورنۍ ته ۱۰۰ زره افغانۍ او د هر ټپي کورنۍ ته ۵۰ زره افغانۍ ووېشلې.
پېښو ته د رسېدو په چارو کې د دولت وزارت مرستیال همدارنګه زیاته کړه: له دغې زلزلې څخه اوښتي زیانونو نه جبرانېدونکي دي چې له جملې یې ۱۰۰۶ کسان شهیدان، ۳۰۱۸ کسان ټپیان، ۱۷۸۱۶ کورونه په بشپړه او نیمه توګه ویجاړ شوي دي.
ښاغلي مسلم څرګنده کړه چې پېښو ته د رسېدو په چارو کې د دولت وزارت د زیانمن شویو د وضعیت ته د رسېدنې د چارو په برخه کې د یو مسسول بنسټ او د حکومت د یوې برخې په توګه امکاناتو ته په پام سره، د پېښو سره مبارزې دولتي عالي کمېسیون غړو ادارو، د ملي او نړیوالو موسسو، ولسي بنسټونو، خیریه بنسټونو، سیمه ییزو ادارو مسوولینو، هوایي ځواکونو او د مجاهدینو په همکاري سره بېړني اقدامات ترسره کړل.
پېښو ته د رسېدو په چارو کې د دولت وزارت مرستیال، د جلالتمآب محترم ریس الوزرا او د ریاست الوزرا محترم لومړي مرستیال او د پېښو سره مبارزې د دولتي عالي کمېسیون رییس له هر اړخېز ملاتړ څخه، د پېښو سره مبارزې دولتي عالي کمېسیون غړو وزارتونو په ځانګړي توګه د ملي دفاع وزارت، د مالیې، د عامې روغتیا، د کلیو او پراختیا، د سرې میاشتې، د کډوالو او راستنېدونکو وزارتونو، د مرسته کونکو هېوادونو، پاکستان، هند، ایران، ترکمنستان، ازبیکستان، چین، قطر، د متحده عربي اماراتو، ملي او نړیوالو بنسټونو، صرافانو، د سوداګرۍ خونو، سوداګرو له مرستو او په ټول هیواد کې  د رسنیو او د ګرانو هیوادوالو د خواخوږۍ څخه مننه وکړه.
په پای کې مولوي شرف الدین مسلم وویل: د جلالتمآب امیرالمومنین حفظه الله په مستقیمې لارښوونې سره د سوق او ادارې مرکز، د پېښو ته د رسېدو په چارو کې د دولت وزارت د مرستیال په مشرۍ او د کډوالو او راستنیدونکو، د سرې میاشتې او د یادو ولایتونو سیمه ییزو مسوولینو په غړیتوب سره، د ودانیو د بیارغونې او د شهیدانو د وارثینو، ټپیانو او زیانمن شویو ته د رسېدنې په پار جوړ شوۍ، چې د ریاست الوزرا جلالتمآب لومړي مرستیال، د کورنیو چارو وزیر جلالتمآب خلیفه صاحب او د امیر المومنین ځانګړي استازي لخوا به د سوق او ادارې د مرکز له کاري پروسې څخه څارنه ترسره کېږي.

News pictureNews picture

 


 

 

News picture

وروستي خبرونه

چهارشنبه ۱۴۰۱/۹/۱۶ - ۱۵:۲۵
Background image

پېښو ته د رسېدو په چارو کې د دولت وزارت مرستیال د اوچا د پلټنې او ارزونې له مسوولې سره وکتل

کابل- د لیندۍ ۱۶مه- ۱۴۰۱
محترم مولوي شرف الدین مسلم، پېښو ته د رسېدو په چارو کې د دولت وزارت مرستیال، نن سهار د اغلې هاتم، د ملګرو ملتونو د بشري مرستو د همغږي دفتر د پلټنې او ارزونې. . .

چهارشنبه ۱۴۰۱/۹/۱۶ - ۱۲:۴۴
Background image

پېښو ته د رسېدو په چارو کې د دولت وزارت د امام ابوحنیفه(رح) ملي او نړیوال نندارتون څخه لیدنه وکړه

کابل- د لیندۍ ۱۶مه-۱۴۰۱

د امام ابوحنیفه(رح) ملي او نړیوال نندارتون په اومه ورځ محترم الحاج ملا محمد عباس آخند پېښو ته د رسېدو په چارو کې د دولت وزیر د دغه نندارتون له هټیو څخه لیدنه. . .

سه‌شنبه ۱۴۰۱/۹/۱۵ - ۱۲:۲۱
Background image

د IHH دفتر لخوا به د ګیان او برمل ولسوالیو زلزله ځپلو لپاره ۳۰۰،۰۰۰ امریکایي ډالر ووېشل شي

کابل- د لیندۍ ۱۵مه- ۱۴۰۱ 
محترم الحاج مولوي شرف الدین مسلم، پېښو ته د رسېدو په چارو کې د دولت وزارت مرستیال او د وروستۍ زلزله ځپلو ته د رسېدني او مرستو د تنظیم کمېسیون سرپرست نن سهار له. . .

نوي اعلانونهآخرین اطلاعیه ها

چهارشنبه ۱۴۰۱/۴/۱ - ۱۱:۱۱
Background image

د افغانستان په یو شمېر ولایتونو کې د تېرې شپې د طبیعي پېښو سېلاب او زلزلې په اړه پېښو ته د رسېدو په چارو کې د دولت وزارت اعلامیه

پېښو ته د رسېدو په چارو کې د دولت وزارت په افغانستان کې د پېښو چارو ته د رسېدو او د مدیریت په برخه کې د مسوول بنسټ په توګه، د هېواد په یو شمېر ولایتونو کې د سېلاب او زلزلې پېښېدل . . .

چهارشنبه ۱۴۰۱/۳/۴ - ۱۳:۳۴
Background image

خبرداری ! 

په لاندې ولایتونو کې د تیز باد او دوړو پیښیدو اټکل:
په قندوز، مزار شریف، فاریاب، بادغیس، هرات، ، فراه ، نیمروز،هلمند،قندهار، سمنگان، سرپل، جوزجان،غور، دایکندی، اروزکان، غزنی، پکتیا،پکتی . . .