پېښو ته د رسېدو په چارو کې د دولت وزارت خبري ناسته؛ څه د پاسه ۱۰ زره زلزلې ځپلو کورنیو خوراکي، غیرخوراکي او نغدي مرستې ترلاسه کړې

rahyab
Sat, Jul 02 2022 8:11 PM
News

کابل- د چنګاښ ۱۱مه-۱۴۰۱
مولوي شرف الدین مسلم پېښو ته د رسېدو په چارو کې د دولت وزارت مرستیال، په رسنیز کنفرانس کې وویل: څه د پاسه ۱۰ زره کورنۍ چې په پکتیکا او خوست ولایتونو کې د زلزلې له امله زیانمنې شوي وې، نغدي، خوراکي او غیرخوراکي مرستي یې ترلاسه کړې.
مولوي شرف الدین مسلم، چې نن شنبه د حکومت د عامه او استراتیژیکو اړیکو ادارې د اطلاعاتو او رسنیو په مرکز کې یې په یو خبري کنفرانس کې زلزلې ځپلو ته د رسېدنې په اړه خبرې کولې، او د اندېښنې په ښوودو سره یې زیاته کړه چې له بده مرغه د ځاني او مالي زیانونو شمېر زیات دې. نوموړي زیاته کړه چې څه د ۱۶۰ میلیونه نغدي افغانۍ، د شهیدانو ورثې او ټپیانو ته چې د هر شهید کورنۍ ته ۱۰۰ زره افغانۍ او د هر ټپي کورنۍ ته ۵۰ زره افغانۍ ووېشلې.
پېښو ته د رسېدو په چارو کې د دولت وزارت مرستیال همدارنګه زیاته کړه: له دغې زلزلې څخه اوښتي زیانونو نه جبرانېدونکي دي چې له جملې یې ۱۰۰۶ کسان شهیدان، ۳۰۱۸ کسان ټپیان، ۱۷۸۱۶ کورونه په بشپړه او نیمه توګه ویجاړ شوي دي.
ښاغلي مسلم څرګنده کړه چې پېښو ته د رسېدو په چارو کې د دولت وزارت د زیانمن شویو د وضعیت ته د رسېدنې د چارو په برخه کې د یو مسسول بنسټ او د حکومت د یوې برخې په توګه امکاناتو ته په پام سره، د پېښو سره مبارزې دولتي عالي کمېسیون غړو ادارو، د ملي او نړیوالو موسسو، ولسي بنسټونو، خیریه بنسټونو، سیمه ییزو ادارو مسوولینو، هوایي ځواکونو او د مجاهدینو په همکاري سره بېړني اقدامات ترسره کړل.
پېښو ته د رسېدو په چارو کې د دولت وزارت مرستیال، د جلالتمآب محترم ریس الوزرا او د ریاست الوزرا محترم لومړي مرستیال او د پېښو سره مبارزې د دولتي عالي کمېسیون رییس له هر اړخېز ملاتړ څخه، د پېښو سره مبارزې دولتي عالي کمېسیون غړو وزارتونو په ځانګړي توګه د ملي دفاع وزارت، د مالیې، د عامې روغتیا، د کلیو او پراختیا، د سرې میاشتې، د کډوالو او راستنېدونکو وزارتونو، د مرسته کونکو هېوادونو، پاکستان، هند، ایران، ترکمنستان، ازبیکستان، چین، قطر، د متحده عربي اماراتو، ملي او نړیوالو بنسټونو، صرافانو، د سوداګرۍ خونو، سوداګرو له مرستو او په ټول هیواد کې  د رسنیو او د ګرانو هیوادوالو د خواخوږۍ څخه مننه وکړه.
په پای کې مولوي شرف الدین مسلم وویل: د جلالتمآب امیرالمومنین حفظه الله په مستقیمې لارښوونې سره د سوق او ادارې مرکز، د پېښو ته د رسېدو په چارو کې د دولت وزارت د مرستیال په مشرۍ او د کډوالو او راستنیدونکو، د سرې میاشتې او د یادو ولایتونو سیمه ییزو مسوولینو په غړیتوب سره، د ودانیو د بیارغونې او د شهیدانو د وارثینو، ټپیانو او زیانمن شویو ته د رسېدنې په پار جوړ شوۍ، چې د ریاست الوزرا جلالتمآب لومړي مرستیال، د کورنیو چارو وزیر جلالتمآب خلیفه صاحب او د امیر المومنین ځانګړي استازي لخوا به د سوق او ادارې د مرکز له کاري پروسې څخه څارنه ترسره کېږي.

News pictureNews picture

 


 

 

News picture

Latest news

Tue, Mar 08 2022 9:04 AM
Background image

Media advisory

Kabul-Afghanistan:
Kabul based journalists are cordially invited to attend a press conference by the State Ministry for Disaster Management, scheduled to be held at the IEMIC, this. . .

Thu, Nov 04 2021 3:10 PM
Background image

Report on Climate Situation in Afghanistan

Climate change, from geopolitics to economics and migration, has profound effects on the lives of humans and other living things around the world.
Afghanistan produces very little (0.19. . .

Sat, Jul 10 2021 12:07 PM
Background image

Distribution of Food and Non Food For effected Family in Maidan Wardak

The Department of Preparations against the incidents of Maidan Wardak province, once again, to different districts that have been displaced by families from war and insecurity, has been. . .

اطلاعیه هاAll announcements

Wed, May 25 2022 1:34 PM
Background image

 Warning!

Validity time : 25 up to 26 May 2022
:Possibility of Heavy Dust and wind gust  forecasted for the following provinces
Kunduz, mazar e sharif, Faryab, Badghis, Jawzjan, Herat, Farah, . . .