په پکتیکا ولایت کې د پېښو چارو د همغږۍ معین د يو ميليون افغانیو بيړني پروژې له بشپړېدو څخه ليدنه وکړه
د عالیقدر امیرالمؤمنین حفظه الله د هدایت پر بنسټ، د هېواد په کچه د طبیعي پېښو د خطرونو د کمولو لپاره د عام المنفعه او وقایوي پروژو د پلي کولو په موخه هر ولايت ته يو ميليون افغانۍ ځانګړې شوې دي.
۱۸ په همدې لړ کې، له پېښو سره د مبارزې امادګۍ ملي اداري يادې پيسې پکتیکا ولایت ته ځانګړې کړې. د دې ولایت له پېښو سره د مبارزې آمادګۍ ریاست، د ولایت مقام د هدایت او د سيمه ييزو خلکو د غوښتنې په پام کې نيولو سره، د کيلومتره سړک د ترميم او جغل اچونې پروژه او د نورو ۳۵ کيلومتره لارو د هوارولو چارې بشپړې کړې دي.
دغه پروژه چې ټولټال یې ارزښت يو ميليون افغانۍ دی، د ټولګټو چارو محترم وزارت او د خیر کوټ لوا ماشينرۍپه مرسته په پکتیکا ولایت کې د دوو میاشتو مودې په ترڅ کې عملي شوې او اوس یې د سيمې د اوسېدونکو د تګ راتګ لپاره د پام وړ آسانتياوې رامنځته کړي دي.
ترميم او بيا رغول شوي سړک چهاربران، کومل او نعمتآباد ولسوالي له مرکز ښرنې سره يو ځای کوي، چې د خلکو د ټولنيزو خدماتو ته د لاسرسي ښه والي، اقتصادي وده، او د طبيعي پېښو د خطرونو د کمولو په برخه کې به ارزښتناک رول ولري.
محترم الحاج ملا عبدالولی څارنوال (حاجي وارث)، د پېښو چارو د همغږۍ معین، ورسره مل پلاوي د خپل کاري سفر په ترڅ کې د دې ولایت له پېښو سره د مبارزې امادګي رئیس محترم حاجي قاري عبدالهادي، په ګډون، له يادې پروژې څخه ليدنه وکړه. هغه د دې پروژې بشپړول د پېښو له امله د زیان منونکو حالتونو د کمولو او د سيمې د خلکو لپاره د آسانتياوو د برابرولو په برخه کې يو مهم ګام وباله.
همدارنګه، د سيمې خلکو د پېښو د همغږي له معین سره په کتنه کې دعاليقدر امیرالمؤمنین حفظهالله د مهربانۍ او له پيښو سره دمبارزي امادګې ملي ادارې له رهبري څخه مننه وکړه او د دې ولایت په کچه د نورو عام المنفعه پروژو د پلي کېدو غوښتنه يې وکړه
نیټه: ۱۴۴۷/۰۳/۲۷ هـ ق
