په فراه ولایت کې ناچاوده توکي کشف او له منځه یوړل شول
د فراه ولایت له پېښو سره د مبارزې آمادګۍ ریاست، د (DRC) دفتر د ماین پاکۍ برخې په تخنیکي همکارۍ، د یاد ولایت د بالابلوک ولسوالۍ په ګراني کلي کې د تېرو جګړو څخه پاتې چاودېدونکي توکي کشف او په خوندي ډول له منځه یوړل.
د مسؤلینو په خبره، په دې چاودېدونکو توکو کې دوه فیره ۸۲ ملي متري د هاوان مرمۍ شتون درلود، چې د سیمه ییزو اوسېدونکو په ځانګړي ډول د ماشومانو لپاره جدي ګواښ وو.
اړوندو مسؤلینو له ځایي اوسېدونکو غوښتنه کړې چې د هر ډول مشکوک او چاودېدونکو توکي د لیدلو په صورت کې دې هغوی ته له نیږدې کېدو څخه ډه ډه وکړي او ژر تر ژره دې له اړوندو مسؤلینو سره اړیکه ونیسي، همدارنګه د ناچاوده توکو د پاکولو لړۍ په دې ولایت کې دوام لري.
نېټه: ۱۴۴۷/۱۱/۰۱ هـ ق
له پېښو سره د مبارزې آمادګۍ ملي اداره
