له پېښو سره د مبارزې آمادګۍ ملي ادارې سرپرست او د هیلوترست THT نړیوالي مؤسسې ترمنځ تفاهمنامه لاسلیک سوه
نن ورځ سې شنبه له غرمي ورسته له پېښو سره د مبارزې آمادګۍ ملي ادارې سرپرست محترم الحاج ملا نورالدین ترابي په خپل کاري دفتر کې دهیلوټرسټ نړیوالي مؤسسې د خارجي روابطو مسؤل الهام الله مصطفی سره ولیدل او په لوګر ولایت کې د دې مؤسسې د ماین پاکولو پروژې د پلي کولو په اړه یې خبرې وکړې.
ترابي صاحب په خپلو خبرو کې دهیلو ټرسټ نړیوالي مؤسیسې راغلي پلاوي ته ښه راغلاست وویل او زیاته یې کړه چي موږ مؤسسې را دعوتوو، تشویقوو یې، سهولتونه ورته برابروو، او په هر ولایت کې چې دوی خپلې پروژې پلي کوي، ملاتړ یې کوو او د هغوی تفاهمنامي پر خپل وخت لاسلیکوو.
ورسته دهیلو ټرسټ نړیوالي مؤسیسې دخارجي روابطو مسؤل الهام الله مصطفی دترابي صاحب څخه ځانګړي مننه وکړه چي پر وخت یی کارونه ورته خلاص کړه او خوښي وښوده چي ترپخوا زموږ په کارونه کي چټکتیا راغلي ده.
دیادوني وړ ده چي یاده موسیسه په لوګر ولایت کي د ۵۰۰۰۰ ډالرو په ارزښت ۵۸۶۳۷۲ متره مربع ځمکه له جګړي څخه دپاته سو ناچاودو ماینونو او توکو پاکول دي چي یاده پروژه به په ۵ میاشتو کي بشپړه سي.
نیټه: ۱۴۴۶/۳/۱۳ هـ ق
له پیښو سره دمبارزې آماده ګۍ ملي اداره
