له پیښو سره د مبارزې آمادګۍ ملي ادارې سرپرست د DRC مؤسیسې د سرپرست رئیسي سره وکتل

نن ورځ دو شنبه، له پیښو سره د مبارزې آمادګۍ ملې ادارې سرپرست الحاج ملا نورالدین ترابي د DRC مؤسیسې د  سرپرست رئیسي  اغلی هانا او راغلې پلاوي سره  په خپل کاري دفتر کي وکتل.
ترابي صاحب له هرڅه وړاندي د DRC پلاوي ته ښه راغلاست وویل او زیاته یې کړه چي DRC مؤسیسې  تل زموږ سره دماین پاکۍ او  په اړندو برخو کي مرستي کړي دي موږ ورڅخه ځانګړي مننه کوو او په راتلونکي  کی یی هم پر ګډو همکاریو ټینګار وکړ.
 ترابی صاحب  وویل چي موږ غواړو چي ستاسو په همکارۍ د کابل  په ښار کي ۵۱ عدد هغه خطرناکه ډبري چي  په سلګونو  کورونه یی تر تهدید لاندي  نیولي دي او دخطر تر ګواښ  لاندی دی  نو موږ  غواړو چي دا ډبري ستاسو دموسسی په توسط په خوندي ډول دمنځه یوسو ترڅو خلګ دځاني او مالي زیان څخه وژغورل سي او په ارامه ژوند وکړي.
د DRC مؤسیسې سرپرست رئیسي هانا له پیښو سره د مبارزې آمادګۍ ملي ادارې دسرپرست څخه مننه وکړه چي موږ ته مو وخت راکړ او زیاته یی کړه چي یادي ادارې تل زموږ سره په طبعي او غیر طبعي پیښو کي زیاته همکاري کړي ده او موږ به تل هڅه کوو چي ددې ادارې سره همکاره پاته سو.
هانا زیاته کړه  چی تاسو   موږ ته  د هغو  خطرناکو ډبرو  لوکیشن  او عکسونه راولیږي چي تر خطر لاندي دي  ترڅو     زموږ تخنیکي ټیم یی هم سروې کړي  او هڅه به وکړو چي دا ډبري دمنځه ویوسو ترڅو خلګ او کورونه دخطر څخه په امن کي سي. 

نیټه: ۱۴۴۶/۵/۲۳ هــ ق 
له پیښو سره د مبارزې آمادګۍ ملي اداره