د کونړ ولایت په اسمار ولسوالۍ کې د خوړ د پاکولو کار پیل شو
د کونړ ولایت له پېښو سره د مبارزې امادګۍ ریاست، د یاد ولایت مقام د لارښوونې پر بنسټ، د ولایت مقام په مالي لګښت د اسمار ولسوالۍ د ډمبرو کلي د خوړ د پاکولو چارې پیل شوې.
د خوړ د پاکولو کارونو د پیل او څارنې په موخه د کونړ ولایت له پېښو سره د مبارزې آمادګۍ رئیس، محترم مولوي محمد مبین مفتون عمر او د دې ریاست د زیانونو د ارزونې مدیر، احسان الله احسان، یادې سیمې ته سفر وکړ.
له پېښو سره د مبارزې آمادګۍ رئیس وویل، چې د دې چارو په بشپړېدو سره به د سېلابونو لاره خلاصه شي او د سېلابونو له امله د رامنځته کېدونکو احتمالي خطرونو او زیانونو مخه به ونیول شي.
نېټه: ۱۴۴۷/۳/۴ هـ ق
له پېښو سره د مبارزې آمادګۍ ملي اداره
