د کندهار ولایت په ارغستان ولسوالۍ کې ناچاوده توکي کشف او خنثی شول
له پېښو سره د مبارزې آمادګۍ ملي اداري د ماین پاکۍ د انسجام او همغږۍ ریاست له بېړنۍ شمېرې (0708606060) سره د ښاریانو د اړیکې پر بنسټ، د HALO Trust د ماين پاکي مؤسسې د چټک غبرګون ټیم (HT-EOD-01) د ماینپاکۍ د عملیاتو په موخه د کندهار ولایت د ارغستان ولسوالۍ د کلاچي کلي ته واستوو.
یاد ټیم له پېښو سره د مبارزې آمادګۍ ریاست سره په همغږۍ په کندهار ولایت کې خپل کار پیل کړ، د ماین پاکۍ عملیاتو په ترڅ کې یو عدد ناچاوده هوایي بمب کشف او په خوندي توګه یې له منځه یووړ.
د کندهار ولايت له پيښو سره د مبارزې آمادګي رياست له خلکو غوښتنه کوي چې د هر ډول چاودېدونکو او شکمنو توکو د ليدو په صورت کې دې ژر تر ژره له اړوند مسؤلینو سره اړیکه ونیسي، تر څو يې د له منځه وړلو لپاره پر وخت اړین اقدامات ترسره شي.
نېټه:۱۴۴۷/۹/۰۵ هـ ق
له پېښو سره د مبارزې آمادګۍ ملي اداره
