د ننګرهار ولایت په سرخرود ولسوالۍ کې د سیند د اوبو مسیر د پاکولو چارې پیل شوې
د ننګرهار ولایت له پېښو سره د مبارزې آمادګۍ ریاست د یاد ولایت د سرخ رود ولسوالۍ په کوز ککرک کلي کې د وروستیو سختو بارانونو او سېلابونو له امله چې د سیند اوبه ورسره زیاتې شوې دي د مسیر د پاکولو چارې یې عملا پيل شوې.
د یاد مسیر د پاکولو چارې په عملي توګه پیل شوې دي، چې په پاکولو سره به یې سیمه ییز اوسېدونکي د اوبو د زیاتوالي له احتمالي خطرونو څخه خوندي شي.
د یاد ولایت له پېښو سره د مبارزې آمادګۍ ریاست مسؤلین ډاډ ورکوي چې د زیانمنو سیمو ستونزو ته به پر وخت رسېدنه کېږي او د خلکو د خوندیتوب لپاره به لازم اقدامات دوام ولري.
نېټه: ۱۴۴۷/۱۱/۱۳ هـ ق
له پېښو سره د مبارزې آمادګۍ اداره
