د بامیانو ولایت له پېښو سره د مبارزې آمادګۍ ریاست ۹۰۰ زیانمنو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او CWSA موسسې ترمنځ د لاسلیک شوي هوکړه لیک له مخې، د بامیان ولایت له پېښو سره د مبارزې آمادګۍ ریاست د یادې موسسې سره په همغږۍ، له سروې وروسته ددې ولایت په یکاولنګ ٢ ولسوالۍ کې، ۹۰۰ زیانمنو کورنیو ته نغدي مرستې ووېشلې.
په دې لړۍ کې، چې د مرستو دویم پړاو وو د مسؤلینو په شتون کې، هرې کورنۍ ته ٢,٩٤٩ افغانۍ ووېشل شوې، چې یاد شمېر کورنيو ته ټولټال ٢,٦٥٤,١٠٠ (٢ میلیونه، ٦٥٤ زره او ١٠٠ ) افغانۍ ځانګړې شوې وې.
د یادونې وړ ده، چې دا مرستې به تر راتلونکو دریو میاشتو پورې د یادو کورنیو لپاره دوام ولري.
نېټه: ١٤٤٦/٧/٢١
له پېښو سره د مبارزې آمادګۍ ملي اداره
