د بلخ ولایت له پېښو سره د مبارزې آمادګۍ ریاست ۶۰ زیانمنو شویو کورنیو ته خوراکي او غیر خوراکي مرستې ووېشلې 

د بلخ ولایت له پېښو سره د مبارزې آمادګۍ ریاست د SFL-WFP، IOM سازمانونو او د ماشومانو د ملاتړ مؤسسې په ملاتړ، د دې ولایت په زاري او چمتال ولسوالیو کې د وروستۍ زلزلې له امله ۶۰ زیانمنو شویو کورنیو ته له سروې وروسته خوراکي او غیر خوراکي مرستې ووېشلې. 
په دې لړۍ کې هرې کورنۍ ته د مسؤلینو په شتون کې، د SFL-WFP سازمان له لوري ۱۰۰ کیلو اوړه، ۱۰ لیټره غوړي، ۱۲.۵ کیلو دال نخود، یو کیلو مالګه او هغو کورنیو ته چې په هغه کې شېدې خوړونکي ماشومان، شیدې ورکوونکې میندې او حامله میندې شتون درلود ۱.۵ کیلو پلمپي او ۳ کیلو مالګه د ماشومانو د ملاتړ مؤسسې لخوا یوه د ژمنیو توکو او یوه روغتیایي بسته او د IOM سازمان له لوري یوه تخته کمپلې، ۱ عدد سولري څراغونه، ۱ د پخلنځي کیټ او همدارنګه یوې کورنۍ ته چې کور یې په بشپړ ډول ویجاړ شوی وو یو باب خېمه هم ووېشل شوه. 

نېټه: ۱۴۴۷/۵/۲۸ ه.ق
له پېښو سره د مبارزې آمادګۍ ملي اداره