د فاریاب ولایت له پېښو سره د مبارزې آمادګۍ ریاست ۸۰ زیانمنو کورنیو ته خوراکي مرستې ووېشلې
د فاریاب ولایت له پېښو سره د مبارزې آمادګۍ ریاست، د وروستیو سېلابونونو له امله زیانمنو او د وچکالۍ له امله زیانمنو ۸۰ کورنیو ته خوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ۲ بورۍ ۲۵ کیلویي وریجې او یوه بورۍ ۵۰ کیلویي اوړه ووېشل شول.
د دغو مرستو له ترلاسه کولو وروسته، یادو کورنیو له پېښو د مبارزې آمادګۍ ریاست له دوامداره پاملرنو او مرستو څخه خوښي څرګنده کړه او د اسلامي امارت په ځانګړي ډول د مرستندویه ادارو څخه یې د طبیعي او غیرطبیعي پېښو د زیانمنو شویو کسانو د ملاتړ لپاره د لا زیاتې پاملرنې غوښتنه وکړه.
نېټه:۱۴۴۷/۰۳/۱۸ هـ ق
له پېښو سره د مبارزې آمادګۍ ملي اداره
