له پېښو سره د مبارزې آمادګۍ ملي ادارې سرپرست د هرات له والي سره وکتل
نن ورځ چهار شنبه، له پېښو سره د مبارزې آمادګۍ ملي ادارې سرپرست، الحاج ملا نورالدین ترابي، د خپل رسمي سفر په ترڅ کې د هرات ولایت له والي شیخ الحدیث مولوی نور احمد اسلامجار صاحب سره وکتل.
الحاج ملا نورالدین ترابي وویل چي له پېښو سره د مبارزې آمادګۍ اداره ژمنه ده چي زیانمنو، بېځایه شویو او اجباري راستنیدونکو کورنیو ته به معیاري، شفاف او باعزته خدمات وړاندې کوي او تل یې وړاندي کړي دي.
همد راز ترابي صاحب زیاته کړه چي په تورخم او پل ابریشم کي مو اجباري راستنېدونکو افغانانو ته میعاري پنډغالي جوړ کړي دي چي د بیلابیلو اسانتیاوو څخه برخمن دی او اوس ددې ادارې له لوري د هرات ولایت په اسلام قلعه کي هم د یو معیاري پنډ غالی کارونه بشپړسول.
د هرات ولایت والي ښاغلي شیخ الحدیث مولوی نور احمد اسلامجار د ترابي صاحب د راتګ څخه مننه وکړه او د اجباري راستنېدونکو کډوالو لپاره یې د میعاري پنډغالي جوړولو هر کلی وکړ.
همد راز ښاغلي والي صاحب د هر اړخیزې همکارۍ ډاډ ورکړ، او ویې ویل چي د هرات ولایت مقام چمتو دی چې د دې ادارې له هڅو سره اوږه په اوږه کار وکړي، ترڅو د خلکو ستونزې کمې سي او هغوی ته شفاف خدمتونه وړاندي سي.
نېټه: ۱۴۴۶/۲/۱۲ هــ ق
له پېښو سره د مبارزې آمادګۍ ملي اداره
