د میدان وردګ ولایت په جلریز ولسوالۍ کې ٢٥٠ کیلو بمب خنثی کړل شو
د میدان وردګ ولایت له پېښو سره د مبارزې آمادګۍ ریاست د ایریا او QRT-04 ماین پاکۍ مؤسسو په ملاتړ، یو ٢٥٠ کیلو بمب د دې ولایت د جلریز ولسوالۍ په تکاني سیمه کې کشف او په خوندي توګه خنثی کړ.
په عین حال کې، د میدان وردګ ولایت له پېښو سره د مبارزې آمادګۍ ریاست د ماین پاکۍ تخنيکي ګرځنده ټيمونه په ټول ولایت کې موظف کړي، ترڅو په پاتې سیمو کې د چاودېدونکو توکو له امله را منځته کېدونکي خطرونه کم کړي.
د یادونې وړ ده، چې دغه ریاست له خلکو غوښتي چې د هر ډول مشکوک يا چاودېدونکو توکو د لیدو په صورت کې، ژر تر ژره له اړوندو مسؤلينو سره اړيکه ونيسي، تر څو د خنثی کولو لپاره یې اړين اقدامات ترسره شي.
نېټه: ۱۴۴٧/۱/۲۷ هـ ق
له پېښو سره د مبارزې آمادګۍ ملي اداره
